ساڵی 1971 رێکەوتی (1350) لەشاری سنە لەپارێزگای کوردستان لەوڵاتی ئێران هاتۆتەدنیا. دەرچووی ئەندازیاری کیمیایە لەزانکۆی سەنعەتی شەریف لەتاران. لەتەمەنی 16 ساڵییەوە چالاکی سینەمایی خۆی لەساڵی 1987 (1366) دەست پێکرد و هاتەناو بواری هونەری سینەما و بەپلەی تەکنیسیەنی تەکنیکی دەستی بەکار کرد. دواتر کورتە فیلمی "کێشەی کوڕ بوون"ی ساز کرد. جەمیل رۆستەمی ئەندامی شۆڕای ناوەندی بنکەی بەرنامەداڕێژان و یارمەتیدەرانی دەرهێنەرانی سینەمای ئێرانە. وەکو نووسەر و دەرهێنەر دوو فیلمی بڵندی سینەمایی "شیوەنی بەفر" 2004 و "ژانی گەل" 2007 هێناوەتە بەرهەم و لەزیاتر لە10 فیلمی بڵندی سینەماییدا وەکوو بەرنامە داڕێژ، یارمەتیدەری دەرهێنەر، راوێژکاری دەرهێنەر و گروپی دەرهێنەری هاوکاری کردووە.