ئاکۆ عەزیز میرزا

ژیاننامە

     دەرهێنەر (ئاکۆ عەزیز میرزا) لە ساڵی ١٩٦٣ لە سلێمانی لە دایک بووە، لە ساڵی ١٩٨٤ - ١٩٨٥ پەیمانگای هونەرە جوانەکانی سلێمانی هونەری شانۆ بەشی دەرهێنانی تەواوکردووە، کاری دەرهێنانی بۆ زیاتر لە دە شانۆگەری کردووە و وەک ئەکتەریش لە دوانزە شانۆگەریدا ڕۆڵی گێڕاوە، لە وڵاتی سوید خولێکی دەرهێنان و نوسینی سیناریۆی بینیوە.
     - ساڵی ١٩٩٥ وەک یەکەمین ئەزموونی، کاری دەرهێنانی بۆ فیلمی (هەنگاو) کردووە بۆ ماد تیڤی لە نوسینی (مەسعود عارف و ئازاد باستان).
     - ساڵی ٢٠٠٣ فیلمی (The Scary Places) لە وڵاتی سوید بڵاوکردووەتەوە.
     - ساڵی ٢٠٠٦ دەرهێنانی بۆ فیلمی دۆکیۆمێنتاری (The Rug) کردووە.
     - ساڵی ٢٠٠٧ لەگەڵ (ئیسماعیل عومەر) دەرهێنانی بۆ فیلمی (نوێژە بارانە) کردووە.
     - ساڵی ٢٠٠٧ لەگەڵ دەرهێنەر (مەسعود عەفریف) لە دهۆک کاری دەرهێنانیان بۆ فیلمی (‌Heaven In The Mirror) کردووە.
     - ساڵی ٢٠٠٨ دەرهێنانی بۆ کورتە فیلمی (کۆتا نوێژ) کردووە.
     - ساڵی ٢٠١١ کاری نوسین و دەرهێنانی بۆ فیلمی درێژی (١٠ چرکە) کردووە و کە لە چەندین فێستیڤاڵی ناوخۆیی و نێودەوڵەتی بەشداربووە و خاوەنی چەندین خەڵاتە.
     - ساڵی ٢٠١٤ دەرهێنانی بۆ فیلمی (ڕیدانس) کردووە و ١٤ خەڵاتی بەدەستهێناوە.
     - ساڵی ٢٠١٤ کاری نوسین و دەرهێنانی بۆ فیلمی (سانتا کڵاوس) کردووە.     
     - ساڵی ٢٠٢٠ دەرهێنانی بۆ فیلمی (Empty Home) کردووە کە دواترین فیلمی بووە و لە فێستیڤاڵی فیلمی نێودەوڵەتی سلێمانیدا بەشداربووە.